الله تعالي نے انسان کو کس مقصد کے لئے خلق کیا هے؟

سوال  
الله تعالي نے انسان کو کس مقصد کے لئے خلق کیا هے؟

جواب
الف: کيونکه الله تعالي خالق هے اس وجه سے الله کي خالقيت کا تقاضا يهي هے که وه خلق اور پيدا کرے.
ب: خلقت کا نظام ايک حکيمانه اور با مقصد نظام هے.
ج: پوري کائنات اور دوسے موجودات کي خلقت کا مقصد صرف انسان کي خلقت هے؛ کيونکه سب کچھ انسان کے لئے خلق کيا گيا هے اور وه احسن المخلوقين هے. جيسا که اس کا خدا بھي، احسن الخالقين هے.
ھ: انسان کي خلقت کا مقصد جو کچھ بھي هو، اس کا نتيجه اور فائده خود انسان سے متعلق هے، نه که الله تعالي سے کيونکه وه تو غني مطلق هے.
د: انسان کو خلق کرنے کا اصلي اور نهائي مقصد يه تھا که وه واقعي کمال اور سعادت حاصل کرے اور انسانيت کے عظيم مقام کو پا لے اور عالم ملکوت ميں قدم رکھے البته يه سب کچھ صرف اور صرف حضرت حق تعالي کي شناخت اور معرفت حاصل کرنے کے بعد اس کي آگاهانه عبوديت اور بندگي کے سائے ميں هي ممکن هو سکے گا.

تفصيلي جواب:
يه بات ثابت هو چکي هے که الله تعالي کے تمام اسماء اور صفات، چاهے وه صفات الله تعالي کي ذات سے متعلق هوں [جن کو صفات ذات کها جاتا هے] اور کيونکه الله تعالي واجب الوجود هے اور واجب الوجود بسيط هے اس وجه سے يه صفات، الله کي ذات سے الگ نهيں هيں اور صفات بعينه وهي اس کي ذات هيں جيسے علم، قدرت، قيوميت، مالکيت اور حاکميت اور چاهے وه صفات جو الله کے فعل سے متعلق هيں اور اصطلاح ميں انھيں «صفات فعل» کها جاتا هے جيسا که ربوبيت، رازقيت، خالقيت، اراده اور رحمت. يه تمام صفات، صفات ثبوتيه هيں جن کي وجه سے الله تعالي مسلسل بغير کسي وقفه کے فيض پهونچا رها هے، انهي ميں سے خالقيت کي صفت کا تقاضا يهي هے که الله تعالي مسلسل، اور غير منقطع طور پر خلق کرتا رهے اور کوئي نئي چيز کو وجود ميں لاتا رهے کيونکه ﴿کُلَّ يَوْمٍ هُوَ فِي شَأْنٍ﴾ (هر روز الله تعالي کي ايک نئي شان هوتي هے)[۱]
ايک اور بات جس کي طرف دھيان رکھنا ضروري هے وه يه هے که کيونکه الله تعالي حکيم هے، اور حکيم سے کوئي بھي عبث اور بيهوده کام سرزد نهيں هوتا، لهذا يه خلقت کا نظام با مقصد نظام هے جو الله تعالي نے اپنے عظيم مقاصد کے لئے خلق فرمايا هے جس ميں کهيں بھي کوئي چيز غير ضروري يا بلاوجه نهيں هے اور پوري کائنات کا هر ذره اپني زبان ميں پکار رها هے که:
نيست در دايره يک نقطه خلاف از کم و بيش
که من اين مسئله بي چون و چرا مي بينم
(اس کائنات ميں ايک نقطه بھي کم يا زياده نهيں اور يه بات ميں بغير کسي چون و چرا کے ديکھ رها هوں)
قرآن کريم کي صريح آيات کي روشني ميں خالق کائنات نے اپني مخلوقات اور دوسري چيزوں کو بلاوجه اور بازيچه بنا کر خلق نهيں فرمايا بلکه خلقت کي وجه اور بنياد، حق و حقيقت پر استوار کي گئي هے جو اس نظام احسن اور اکمل ميں، حتي که سب سے کمترين حصه بھي بهت عظيم اور بلند مقاصد کے لئے خلق کيا گيا هے اور وه ذره ان مقاصد کا تعاقب کر رها هے اور ان ميں سے کوئي بھي بلاوجه اور بے مقصد نهيں هے:

در اين پرده يک رشته بي کار نيست سر رشته بر ما پديدار نيست

(اس پردے کا کوئي ايک دھاگه بھي بے مقصد اور بلاوجه نهيں هے ليکن اس دھاگے کا سرا هم پر آشکار نهيں اور پوشيده هے)
البته اس نکته کو ذهن نشيں کر لينا چاهئے که پوري کائنات کو خلق کرنے اور موجودات کو ايجاد کرنے کا اصلي اور نهائي مقصد، انسان تھا. واضح الفاظ ميں يوں کهنا چاهئے که الله تعالي نے پوري دنيا کو خلق فرمايا هے تا که انسان کو خلق فرمائے؛ کيونکه انسان «احسن المخلوقين» هے، جيسا که اس کو خلق کرنے والا احسن الخالقين هے اور اس کي خلقت کے کارخانے ميں سے انسان جيسي کوئي دوسري چيز صادر نهيں هوئي هے. حديث قدسي ميں ملتا هے که: «اے اولاد آدم! ميں نے هر چيز کو تيرے ليے اور تجھ کو اپنے ليے خلق کيا هے.»[٢]
ان باتوں کو جان لينے کے بعد اب اپني اصلي بحث کي طرف آتے هيں: انسان کي خلقت کا مقصد جو کچھ بھي هو اس کا نتيجه اور فائده خود انسان کي طرف پلٹتا هے، نه که الله تعالي کي طرف کيونکه وه تو غني مطلق هے اور دوسرے تمام ممکنات، من جمله انسان اس کے محتاج هيں.
«اے انسانوں! تم الله تعالي کے محتاج هو، صرف الله کي ذات هي هے جو بے نياز هے اور هر قسم کي حمد و ثنا صرف اس کے لئے مخصوص هے»[۳]
«حضرت موسي نے بني اسرائيل سے فرمايا: اگر تم بلکه پوري زمين کے لوگ بھي کافر هو جائيں تو اس ميں الله تعالي کا کوئي نقصان نهيں هے کيونکه وه تو غني اور تعريف کے لائق هے»[۴]
اميرالمٶمنين حضرت علي (عليه السلام)، اپنے ايک مشهور خطبه ميں جو خطبه ھمام کے نام سے مشهور هے فرماتے هيں: «الله تعالي مخلوقات کو خلق کرتے وقت ان کي طاعت اور بندگي سے بے نياز اور ان کے گناهوں اور ان کي نافرمانيوں سے محفوظ تھا؛ کيونکه گناهگاروں کے گناه اس کو کوئي نقصان نهيں پهونچا سکتے اور نه هي اس کے فرمانبردار بندوں کي اطاعت اس کو کوئي نفع اور سود پهونچا سکتي هے. [۵] (بلکه طاعت کرنے کے حکم اور معصيت کرنے سے نهي کرنے کا مقصد يه تھا که انهيں بندوں کو فائده پهونچايا جائے)
انسان کي خلقت کے بارے ميں قرآن کريم ميں مختلف آيات موجود هيں جن ميں سے هر ايک آيت انسان کي خلقت کے هدف کے ايک زاويے کو نماياں کرتي هے. من جمله: «هم نے جن و انس کو خلق نهيں فرمايا مگر اس ليے که هماري عبادت کريں»[۶] دوسري جگه ملتا هے: «جس نے موت و حيات کو خلق فرمايا هے، وه تمهيں آزمانا چاهتا هے که تم ميں سے کون زياده نيک اعمال بجا لاتا هے»[۷] (يهاں پر آزمائش کو مقصد تخليق بتايا گيا هے جس ميں تربيت شامل هوتي هے اور اس کا نتيجه تکامل حاصل کرنا هے) ايک دوسري جگه يوں ملتا هے: «لوگوں ميں هميشه اختلاف رها هے مگر وهاں پر جهاں الله تعالي کي رحمت کا نزول هو اور اسي وجه کے لئے (يعني رحمت کو قبول کرنے اور اس کے نتيجه ميں تکامل پانے کے لئے) انهيں خلق فرمايا هے»[۸] جيسا که ملاحظه فرما رهے هيں يه تمام خطوط ايک مشترک نقطه ميں جا کر مل جاتے هيں اور وه انسان کي پرورش، هدايت اور تکامل هے. يهاں سے معلوم هوتا هے که انسان کي تخليق کا اصلي اور آخري مقصد، کمال اور سعادت حاصل کرنا اور کرامت اور انساني اقدار کي بلندترين چوٹيوں پر پهونچنا هے، اور يه سب صرف شناخت اور معرفت اور آگاهانه عبوديت اور بندگي کے ذريعه هي ممکن اور ميسّر هو سکے گا کيونکه: «الله تعالي کي عبوديت ايسا گرانقدر گوهر هے جس کے باطن ميں ربوبيت کارفرما هے»[۹] جس کو يه مقام حاصل هو گيا هو وه ما سوي الله پر سلطنت کرے گا.
حضرت امام جعفر صادق (عليه السلام) سے منقول ايک روايت ميں يوں ملتا هے که: «حضرت امام حسين (عليه السلام) نے اپنے صحابيوں کے سامنے آ کر يوں فرمايا: «الله تعالي نے اپنے بندوں کو صرف اس کي شناخت حاصل کرنے کے لئے خلق فرمايا هے، جب وه الله تعالي کي شناخت حاصل کر ليں گے، تو اس کي عبادت کريں گے، اور جب الله تعالي کي بندگي کريں گے تو غير کي بندگي سے بے نياز اور رهائي حاصل کر ليں گے».[۱۰]

منابع اور مآخذ:
[۱] الرحمن/ ٢۹
[٢] «يابن آدم خلقت الاشياء لاجلک و خلقتک لاجلي»، المنھج القوي، ج ۵، ص ۵۱۶؛ علم اليقين، ج ۱، ص ۳۱۸
[۳] "يا ايھا الناس انتم الفقراء الي الله و الله ھو الغني الحميد" فاطر/۱۵.
[۴] "و قال موسي ان تکفروا انتم و من في الارض جميعاً، فان الله لغني حميد" ابراھيم/۸.
[۵] «اما بعد،فان الله سبحانه و تعالي خلق الخلق حين خلقھم غنياً عن طاعتھم، آمنا من معصيتھم، لانه لاتضره معصيۃ من عصاه، و لاتنفعه طاعۃ من اطاعه» نهج البلاغه فيض الاسلام، ص ۱۱، خطبه ھمام
[۶] {و ما خلقت الجن و الانس الا ليعبدون} ذاريات/۵۶
[۷] {الذي خلق الموت و الحياۃ ليبلوکم ايکم احسن عملاً} ملک/٢
[۸] {و لا يزالون مختلفين الا من رحم ربک و لذالک خلقھم}، ھود/۱۱۸و۱۱۹
[۹] «العبوديۃ جوھرۃ کنھھا الربوبيۃ»، مصباح الشريعه في حقيقۃ العبوديۃ.
[۱۰] «ان الله عزوجل ما خلق العباد لا ليعرفوه، فاذا عرفوه عبدوه، فاذا عبدوه استغنوا بعبادتھ عن عبادۃ من سواه» علل الشرائع، صدوق، الميزان کے مطابق ،ج ۱۸، ص ۴۲۳